長實1972年上市，中潤證券主席蔡陳葆心已開始買入其股份，中間多次賣出買入，直至2007年起就長揸至今。她苦笑說，「07年（金融海嘯）升完又跌返，一直吽咁耐，喺度瞓覺嘅，1號仔成日都不過唔到一百蚊，係舊年先開始有啲生氣。」

蔡太持有長和系旗下所有股入，因好處是不會大上大落，「長揸都冇所謂，好過放在銀行，股息又唔錯。」

她相信，市場對李嘉誠退休已有心理準備，故影響不會太大，但會考慮悉售持有的長和系股份，「因為唔同人有唔同作風，李澤鉅一直都跟爸爸，有時都要聽爸爸話，（若完全接手）後生有後生的一套，所以會放棄（股份）睇睇先。」

不過，她估計李嘉誠不會完全退下來，只是應放則放，有需要的會繼續看實「唔通成日無所事事，成日掛住打波咩！」

蔡太說，個人與李氏一家沒有接觸，反而其丈夫與李嘉誠外父、「 香港鐘錶大王」莊靜庵稔熟，「因為大家都係潮州人！67年暴動（莊氏）走去新加坡避一避，我哋去探佢，佢都有請我哋食飯。」

蘋果財經，關心你飯碗
http://fb.com/appledailyatm