【本報訊】懷疑女騙徒向丈夫透露3日內被騙去他200萬元半生積蓄，其夫第一個反應是「冇可能！佢肯定夾埋人哋呃我錢！」但聽完她講述案發經過，他只感到「又嬲又笑」，案情猶如周星馳電影般匪夷所思，驚訝妻子竟不知道內地官員不可來港執法，惟她像被騙徒催眠般言聽計從。

事主丈夫徐先生於1983年移民美國，在當地餐館廚房工作，2007年在結識到當地旅遊的女事主後結婚。他指中五學歷的妻2000年由內地來港，兩人去年才回流香港。徐指他積蓄全交妻保管，乍聞壞消息時，他以為妻與騙徒合謀詐騙他，但後來又想「銀行賬戶我冇名嘅，保險箱佢一個人入去，佢如果係要嘅，攞晒，走咗，唔需要搞咁多嘢！」他指妻子單純，然而始終不明白她為何對騙徒言聽計從，素未謀面但「好似催眠咁」。他說：「我以為睇緊套戲，點解咁有魔力，入晒個腦呢？」
事後他不敢買手提電話給妻，擔心她會再接觸騙徒。他指妻惹官非後瘦了，有很大精神打擊，「佢到𠵱家仲信有日會有人上嚟敲門畀番錢佢」。儘管表示妻子同是受害人，但徐一想起積蓄盡失，不禁喃喃自語：「你叫我怪你又唔係，你話我唔怪你？有乜可能！」
■記者戴國輝、羅日昇