唐少、田少同岳少，呢三個人，到底有乜嘢共同點呢？如果有人搶答，同樣係男人、仲係有錢嘅男人，就真係爛咗啲喎！查實呢，佢哋三個都係愛酒之人，而且對推動香港旅遊業都好有心，所以佢哋非常闊佬，將會喺10月底舉行嘅美酒佳餚巡禮，每人捐出一支6公升裝Magnum靚紅酒，畀入場市民同旅客慢慢嘆。

究竟佢哋會捐出邊個莊嘅靚酒呢？八方向主辦單位旅發局打探過，佢哋暫時都未知，但肯定三少拎得出嚟嘅，一定係好嘢啦，呢方面，八方絕對唔擔心，事關同過呢三位闊少同枱食飯暢飲嘅人，就知道佢哋招呼朋友嘅美酒，多數都係極品。
好似田少咁吖，據知佢今年初卸任旅發局主席後，就請咗班旅發局職員去佢山頂大屋食飯farewell，當日嘅座上客，見到田少開嘅10支靚酒都驚為天人。哇！全部都係五大酒莊82年出品，包括Lafite、Latour、Mouton Rothschild、Haut Brion同Margaux嘅佳釀各兩支，價值不菲，近期82年Lafite拍賣價約3萬蚊支，10支酒總值幾十萬，唔少座上客都話回味至今，畢生難忘咁話。

mailto:[email protected]

倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24

有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange