劉嘉玲噚日現身第21屆上海電影節，與《狄仁傑之四大天王》嘅「天廷雙帥」阮經天及趙又廷、張震、導演徐克一齊參與開幕禮。

嘉玲老公梁朝偉冇隨行，原來近日獨自去咗日本旅行，仲被網民認出要求影合照。該網民指當時與友人喺表參道附近小路行街，行行吓忽然與一位男子對視一眼，就認出戴住口罩嘅偉仔，偉仔嘅電眼果然與眾不同。

偉仔喺今個月27日就56歲，但望落真係一啲都唔似，牛仔褸襯卡其色褲，無論樣貌同打扮都好young。該網友要求合照時，仲大膽問偉仔可唔可以除口罩，偉仔二話不說脫罩，果然nice爆，難怪該網友話要「粉偉仔一萬年」。

精選娛聞，喺晒《娛果》 http://fb.com/appledailyent