韓國人氣男團防彈少年團（BTS）之前推出迷你專輯《花樣年華pt.1》，佢哋噚日喺SBS音樂節目《TheShow》奪得第四個冠軍盃後，今日又再下一城，於MBC音樂節目《ShowChampion》再次奪冠軍寶座，計計埋埋已經係佢哋回歸以來第五個冠軍盃，真係好鬼犀利。

0依家喺馬來西亞工作嘅BTS就透過影像答謝粉絲嘅支持，佢哋話：「第一次喺呢度得獎，一直都好渴望得到呢個獎。非常感激工作人員嘅幫助同埋粉絲嘅支持。我愛你哋！」

原來今日正正係BTS出道700日嘅大日子，咁啱佢哋又得到呢個獎，真係特別有意義。