【子健蘋馬】苗禮德大力施壓 灰色戰馬輕磅掃晒
蘋果日報 2019/12/03 21:20
子健子健蘋馬龍鼓飛揚
龍鼓飛揚剛戰負重跑第二
周三（4日）第八場二班1800米，國際騎師錦標賽第三關，掛頭牌孭頂磅的「綠色有運」，與磅底的「龍鼓飛揚」相差十六磅，讓得起嗎？「綠色有運」大前仗、前仗，已證明讓唔起！
多匹輕磅馬中，最銳係「轉數高」，其次係灰馬「龍鼓飛揚」，均有谷草戰績支持，後駒多埋同程證明，上次田草2000米，負重磅遇快步速，唔單止無賺，更因而加添壓力，若唔係重磅，末段最後二百米，應唔會出現左腳換右腳，繼而內閃呈力弱走勢。
「龍鼓飛揚」硬拚跑第二後，苗禮德繼續逼佢，隔四日已恢復快跳，緊接應要跳的工序，全都做齊。
「龍鼓飛揚」唔止頂得住，狀態還更進一步，這次三上二班，重磅變輕磅，返谷草跑千八，換何澤堯抽四檔，絕對抵博過同場一眾重磅二班馬。