【正宗短途血統】同父馬大多首季識贏！「椰子糖」一出就嗒得落
椰子糖同父馬短途血統徐雨石
椰子糖係好多年長馬迷小時候嘅零食，主要材料係椰汁同糖，喺東南亞嘅星馬好普遍。
近年香港唔係好多地方買得到，想懷舊唔一定要食番粒嘅，喺馬場都有仲係由練馬師徐雨石一手炮製，只係跑得唔食得，所講嘅係編第四班新馬「椰子糖」。
一如「奮鬥同心」、「精神威」、「年年豐收」、「有得威」、「酷比哥」、「財高八斗」、「好運多贏」及「好得威」，由同一馬販經手引入，貨源可靠。
呢匹馬喺澳洲由訓練過短途王「幸運如意」嘅白敬雅主理，當地贏過試閘做好基本功夫先嚟港。
老竇Denman贏過九場1000至1400米，包括一級賽金玫瑰錦標。
同父馬有10捷嘅馬會短途錦標盟主「旺蝦王」，亦有「弛曜風」、「帝豪寶寶」、「王者奇兵」，大多早熟到港首季已識贏。
阿媽Unswerving贏過兩場1010同1200米，其中一匹馬女贏900米，相信「椰子糖」都係短途快馬。
唔知馬主唐躍峰係唔係好鍾意食糖，之前養過匹「肥仔糖」一出就贏，咁甜密嘅回憶話，唔定「椰子糖」日後同樣一出就㗳得。
-----------------------------