呢兩個月排名第一嘅政界潮語非「公民提名」莫屬，由前特首特別顧問葉國華創立嘅香港政策研究所，噚日就出咗份研究報告，帶出公民提名從來唔係世界主流，用台灣嘅數字推算，如果用真普聯crossover學者團嘅方案，要7萬名選民具名提名，每名候選人成本估計要30萬到56萬，對欠知名度嘅候選人其實唔係咁有利。不過呢份報告對八方有另一重大啟示，就係要努力工作，事關報告統計顯示，《明報》過去兩個月提及公民提名嘅報道有60篇，排頭位；《文匯報》以4篇之差屈居第二，《蘋果》以51篇位列第三，到底係八方唔爭氣？學民真普聯動員不力？定係北大人打壓得力呢？

《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇： http://bit.ly/appletalk24