盧巧音(Candy)最近為新歌《田園驚夢》拍MV，為咗配合返個主題，都要搵個林蔭密茂嘅地方去拍攝，自然要行唔少山路先可以去到，佢同工作人員足足行咗一粒鐘先去到目的地，今次Candy仲請埋自己老公Sammy陪，兩個人扶住行，點都安全啲嘛，又可以順便行下山，總算係健康嘅事。

拍攝地點雖然偏僻，但其實都有唔少市民行山，見到佢哋拍嘢少不免好奇周圍望下，但為咗拍攝順利，Candy就諗到要老公守住路口，仲擸起衫袖露出成手紋身，令路過市民見到都唔敢行近，不過咁樣嚇人會唔會唔係幾好呢?