韓國「新國民女團」TWICE嘅20歲日本成員Mina，及同門師兄團GOT7嘅22歲泰國成員Bam Bam早前流出疑似親密照而傳出緋聞，雖然隨後兩人所屬嘅JYP事務所否認戀情，但一度令Mina人氣下滑。近日Mina甚至收到死亡恐嚇，令粉絲相當擔心有人造出偏激行為傷害到偶像。

有一名網民今日喺韓國討論區「ilbe」上傳手腕照，手上仲放住一把刀，並喺Mina嘅相用粗口寫道：「如果唔摑你男友一巴或將你男友碎屍萬段，我就殺咗你。」恐嚇要對Mina不利，被其他網友狠評「就算想得要關心，以死威脅就太過份」。事件被瘋傳後，該網民事後喺討論區上傳親筆道歉信，表示「為咗獲得人氣而發文，冇諗到會對當事人造成危脅」，同時向Mina及TWICE粉絲道歉：「因草率上傳咗文章，在此致上歉意。」並刪除原先死亡恐嚇嘅貼文。

不過JYP方面就表示：「與法務組討論之後，決定起訴該網民，唔會放寬處理，若日後再發生同類事件，一樣都會採取法律行動，以強硬手法應對。」獲粉絲激讚公司嘅做法。