若你在中西區擁有一間地舖，你會胼手胝足守住老業，每月賺不夠萬五元？還是撓埋雙手放租出去，每月印印腳穩袋三萬元？連小學生都懂得的數學題，三陽百貨老店主夫婦偏偏選擇前者，「退咗休好無聊㗎，當過吓日辰」。兩人異口同聲道。
開業逾40年，見證過六七暴動，快將目睹佔領中環，現在還賣40年前的東西：七姐粉、花露水、洗頭膏、膠煙盒、蘋果梳、牛骨脷刮、髻網、豬鬃毛牙刷……時光倒流40年，不是沒可能。
記者：譚淑美　攝影：胡智堅

中西區是香港最早發展的地區，早前長春社出書講該區老店，就介紹了三陽百貨。40餘年前，三陽在荷里活道開業，「1967年，我哋啱啱開張，就遇上六七暴動。我仲專登走出去門口，聞下催淚彈乜嘢味！」老闆袁啟泰憶述。

舖位升值千萬　營商老實

搬到太平山街現址也是20幾年前的事，幸而當時買了舖，「20幾年前買呢間舖，要百幾萬元，??家升值到千幾萬元」。買舖精明，營商卻不然，花露水來貨價19元，他標價22元，僅賺15%差價，還未計其他成本。記者買一支，他客氣要送，記者推卻，最終他只肯收20元，這樣老實商人，就像架上的古老貨品，香港地買少見少。
三陽是上一輩人的莎莎、卓悅，售賣胭脂水粉，袁老闆如數家珍：「呢個叫七姐粉，又叫三鳳粉，用嚟化妝。」粵語長片中的古法線面就是用它，但為何叫七姐粉？「舊時的人在七姐誕拜神，會奉上七姐粉。織女會牛郎，你咁都唔識？」袁太咭咭笑道。袁老闆無奈說：「??家好少人用啦，火箭都上太空啦！」找不到織女及牛郎？「咪係！」

為過日辰　變家人聚腳地

袁太說，現在仍有廠家供應七姐粉，男士用的洗頭膏、髮油則已停產。橙色膠梳「蘋果梳」是香港老字號，但最近工廠賣掉，「東主都成80幾歲，佢叫我哋入多啲貨，話唔再生產。呢啲膠好靚，吹風筒都得」。袁太一臉不捨。
舊時嫁女，要齊備六項嫁妝：嫁女尺、雙囍毛巾、剪刀、鏡、紅頭線、梳，其他五件都不難找，惟獨嫁女尺一定要是紅色，還要刻上「百子千孫」四個大字，可惜，這廠家就是生產「蘋果梳」那家。
袁老闆看盡中上環40年的變遷，「荷里活道以前有好多食肆、茶樓、麻雀舖、涼茶舖。𠵱家就多咗好多外國人，多咗好多酒吧。以前人工平、租又平，搵到兩餐唔算難；𠵱家人工唔平，最貴係租，有啲舖頭搵埋都唔夠開銷」。袁太則感慨說：「舊樓變晒新樓，如果有人收購，我哋咪唔做囉！」
何故仍不言休？袁太解釋：「我哋仲有魄力吖嘛，哈哈哈，細路哥大啦，唔使理佢，咪過?日辰囉！」最重要還是給家人一個聚腳地，店舖後有煮食爐，家人樂也融融聚餐。

你想爆？幫你爆！
熱線電話：2990 7225
mailto:[email protected]
WhatsApp：9131 4511