【失戀旅行團​×蘋果(9)】Dear Jane自爆情史 Nice哭訴：唔灑脫

蘋果日報 2018/12/04 00:02

bar飲酒BANDDear Jane樂隊前度失戀旅行團cafe東京日本
    由Secret Tour ​× GLOs舉辦嘅失戀旅行團（BreakUp Tour）五日四夜東京之旅，請四位失戀團友Don(24歲)、Vincci(26歲)、霍哥(29歲)和Yumi(22歲)去旅行，各自散心。上集講到Dear Jane同四位團友去到東京一間BAR，摸摸酒杯底盡訴心中情，聽完女團友Yumi同Vincci鬧爆EX，今集到男團友霍哥同Don抒發男人心事，仲唔覺意觸動到Dear Jane鼓手Nice嘅男人之痛。
    霍哥自爆對八年前嘅前度仍念念不忘，全因為單純，造就一段簡單愛，「始終係大學，大家最無憂無慮嘅時候，又唔使諗供樓，我淨係諗買禮物同食飯。」相隔多年，o依家霍哥已經係網絡紅人，佢表示因為工作太忙，擔心冇時間經營好一段關係，漸漸冇咗想追求愛情嘅感覺。Dear Jane主音Tim唔同意，「其實你唔使驚，你搵啱人，佢會畀到時間你，你亦都好自然會畀到時間佢。」結他手Howie更直斥霍哥只係畀緊藉口自己，「我覺得佢係Let go唔到前度， 咩叫做冇時間唧，你同任何一個男人講冇時間媾女？Bullshit囉！」霍哥最後亦坦誠，仲有掛住前度，但亦清楚自己位置，因為對方已有男友，會祝福對方。

    另一邊廂，因為初戀難忘而初嘗心痛滋味嘅Don，表示同前度分開係因為步伐唔一致，「佢想過多兩年之後搬出嚟住，佢工作上嘅期望係同我一齊更上一層樓，但可能我呢啲位配合唔到。」但Howie覺得呢個唔係分手嘅理由，認為對方想做到一定成就可以靠自身努力，「佢需要做到某啲嘢，其實佢可以去做，但係都可以有你喺佢生命之中㗎喎，兩樣嘢其實係冇衝突。」Don最終亦明白，「其實講到最尾，都係唔夠愛囉！」因為愛就係彼此願意包容同調節，直至步伐一致，一齊行落去。
    Dear Jane鼓手Nice聽完四位失戀團友嘅故事都好感觸，更認為男人應該要灑脫，「其實好多嘢，溝通就得㗎喇，同埋唔好拖囉......其實見到佢哋，我就會諗番自己，有時......唔灑脫囉，灑脫反而係對大家好，特別係我哋男仔，灑脫啲啦，係痛呀，但係唔好咁辛苦囉。」
    今次唔止Dear Jane幫到團友Let go，其實聽多啲唔同人嘅分享同意見，大家都會相互學習而有所成長。下集失戀團友就要迎嚟最大挑戰 ——「Last Call To Ex」，打通最後嘅電話畀前度，講出一直未講嘅說話。究竟佢哋有冇勇氣面對前度，面對傷痛？下集自有分曉！
    主辦單位：Secret Tour ​× GLOs（BreakUp Tour）
    活動詳情： https://www.facebook.com/breakuptour/
    旁白：阿仙
    撰稿：阿仙、由由
    攝影：馮峰、馮燊明、阿仙、由由
    後期：馮燊明
    視覺設計：Cammie
    編審：阿仙
    編導：馮燊明
    監製：阿仙
    empty
    Dear Jane自爆情史，Nice哭訴：「我唔夠灑脫！」
    empty
    霍哥自爆對八年前嘅前度仍念念不忘，全因為單純，造就一段簡單愛。
    empty
    Dear Jane主音Tim認為霍哥唔需要咁多顧慮，因為只要搵啱人，大家都會好自然會畀到時間對方。
    empty
    霍哥坦誠仲有掛住前度，但亦清楚自己位置，會祝福對方。
    empty
    Yumi自認做過衰人，對感情唔認真，但佢認為感情唔應該玩玩吓。
    empty
    Don最終亦明白前度其實只係唔夠愛佢先同佢分手。
    empty
    Dear Jane主音Tim表示老婆因為明白佢而支持佢嘅音樂路。
    empty
    Dear Jane鼓手Nice講到最尾更突然感觸眼濕濕。
    empty
    Nice悔恨自己曾經唔夠灑脫，佢強調一段關係溝通係好重要。
    empty
    Dear Jane陪足失戀團友一日，幫佢哋Let go，最後開心合照留念。
    empty
    Dear Jane嚟緊3月開紅館演唱會，仲話想請埋失戀團友同佢哋未來嘅另一半嚟睇show。
    empty
    失戀團友仲同日本人玩game做文化交流。