賭王何鴻燊明天92歲生日，慶祝活動真係一浪接一浪。噚日賭王先以喜慶紅衣到香港大學，見證四房大女超盈行畢業禮，而超盈捧住畢業造型嘅熊仔，同賭王、母親梁安琪、胞弟妹猷亨、猷君及超欣大合照。賭王顯得精神奕奕，笑得開懷，四姊弟妹喺校園影相，超盈好友陳柏熹也到場祝賀。另外，原來八姑娘何婉鴻都係港大畢業，超盈好有心同孝順，向同學借畢業袍，幫八姑娘圓夢。