林一峰將於本周五、六喺文化中心同香港中樂團有兩場音樂會，今日喺上環進行排練，一峰表示第一次同香港中樂團合作，仲透露屆時會有武俠片歌轉為現代嘅嘢，例如《忘盡心中情》變咗藍調。

問一峰識唔識玩中樂器？佢話：「唔得0架，大家練咗咁多年先上台，我唔可以咁樣，我要畀心機學好多年先得，我會彈結他。」

一峰表示為咗今次音樂會，特別寫咗兩首新歌，係關於70年代獅子山下嘅父母愛情故事，其中一首歌叫《陳中漢與趙美鳳》。

佢又指明年3月會有音樂會，之前會去一個旅行，佢話：「我去美國中部滑雪，不過要小心身體，因為當地只得零下幾十度。」