台灣藝人徐熙媛(大S)嫁俾富二代汪小菲之後，都係專心湊仔，日前誕下細仔，當時更因為陣痛暈倒要送入ICU，不過o依家已經冇事，今日仲曝光細仔嘅相，笑言生得有吳彥祖咁靚仔。

之前大S妹妹徐熙娣轉述話BB「帥到我看到都會害羞」，今日大S就放囝囝相上微博話:「小菲問我近一年有沒有見過吳彥祖！真會開玩笑！（暗爽）我的身體已經恢復健康了！感謝大家的關心和祝福！我對這個世界充滿無盡的感謝～」間接話自己囝囝靚仔到似吳彥祖，不過所有BB喺媽媽心目中都係最靚仔靚女o架啦!