當年今日
關於我們

馮仁昭四圍超:徐小明遭削權退出娛樂台 - 馮仁昭

蘋果日報 2009/02/25 00:00


有線娛樂台一向由有線執行董事徐小明做揸fit人,但噚日突然有消息傳出話徐小明離職,有線嗰邊咪天下大亂?不過,經馮仁昭打聽之下,聽聞係小明哥睇開嘅娛樂台(包括娛樂新聞台等),將會交由有線體育副總裁胡容卿打理,換言之小明哥即係俾人削權。
月前密會張永霖
聽聞噚日有線主席兼行政總裁吳天海已經喺內部發出咗呢個調動通告,而有線娛樂台公關部發言人噚日喺電話中回應話:「小明哥本來喺有線睇好多瓣數,其中有娛樂台、驕陽電影、衛星電視同埋國際發行公司,不過𠵱家有線希望開拓內地電影市場,呢啲係長線發展,小明哥一人好難睇咁多部門,而且娛樂台已經上軌道,佢都好放心,所以以後會專心搞內地電影業務,佢就唔再做有線娛樂有限公司執行董事,其他工作佢會繼續落去,娛樂台嘅工作交咗畀有線體育副總裁胡容卿睇,胡容卿會全身投入娛樂台,而胡容卿嘅工作就交畀曾君鳳處理。」
以前有傳徐小明會重返亞視,而大概一個月前,有人見到徐小明同亞視執行主席張永霖見面,莫非小明哥真係「再向虎山行」,重返亞視大展拳腳?
empty
一向管體育嘅胡容卿,將接替徐小明掌管娛樂台。資料圖片