打開電腦、預備筆記，然後待在螢幕前數小時「聽書」，成了武漢肺炎下全港中小學以至大專生的上課日常。然而，有自資院校大專生質疑網上授課質素參差，課堂由原定的兩小時變成老師朗讀筆記17分鐘；學系中各科目安排不一致，訊息混亂，令同學無所適從，同學惟有互相交換課堂資訊自救。慘變「online lesson苦主」的同學們質疑，網上授課沒有統一標準及監管，要求學校減學費。

記者 盧珮瑤

「你無可能畀100%嘅價錢，但我只係收到50%嘅服務，有啲科甚至得30%嘅資訊」，Kay（化名）的無奈，或許是不少自資院校同學的心聲。她於公開大學李嘉誠專業進修學院 （LiPACE）修讀與教育相關的高級文憑全日制一年級，學費約12.5萬元，每學期交3.1萬元。

兩粒鐘課堂變17分鐘 老師齋讀筆記收音差

訪問當天，《蘋果》到Kay家中視察上課過程。她下載了寫明是Lecture 9至11（第9至11課）的片段，合共卻只約17分鐘。記者問Kay片段中所教的是否三課全部內容，她答：「我都想知！」。她指原定每堂上課時間應為兩小時，「其實都無諗到會濃縮到得17分鐘，如果咁就教得完，咁平時點解要上兩個鐘？可能嗰個就係原本呢一堂嘅價值」。

在課堂片段中，同學未能看到老師的樣貌，螢幕上只有一頁頁PowerPoint，老師以旁白形式讀出筆記內容。部份簡報內容超出螢幕界線，加上老師錄音背景嘈雜，Kay難以理解完整課堂內容，「我哋始終讀教育，有啲教學技巧老師可以即時示範畀你睇。而家佢（老師）只係不斷對住筆記讀，我哋係唔會想像到課堂發生緊咩事，然後去問佢」。

各科上課平台模式不一 學生難以適從

現時大部份大專院校均使用電腦軟件「Zoom」為直播平台，讓同學依照課堂時間在平台實時上課。Kay指公開大學有異於其他院校，除了「Zoom」，部份科目老師會使用網上學習平台「OLE」，或透過雲端讓同學下載教學影片隨時觀看。

Kay指，各科目教師不定時上載課堂片段、部份不會在軟件中的「日曆」指明交功課日期等，令同學無所適從，只好在通訊群組互助自救，「原來呢科upload（上載）咗咩片喎，我哋可以睇；原來嗰科有咩功課，我哋要幾時做⋯⋯都唔期望學校幫到我哋」。

Kay續指，校方去年11月已因反送中運動開始停課，本學期更在1月初上學兩星期後便停課，「咁樣收6萬幾，極唔合理」，「我哋係買面授課堂同埋校內設施等等，當所有呢類嘢都大打折扣，咁學費係咪應該都有折扣？」

在理大專業進修學院（PolyU Speed）就讀市場營銷學士學位的S（化名）指，學校用Teams軟件實時上課、或為簡報錄旁白等形式授課，教師做法不一，「就算你用晒Teams，有啲會喺日曆度貼個網址提醒你，有啲就唔係，只會喺Moodle（學習管理系統）畀條網址你，變相同學都唔習慣到底點樣上堂」。

S續指，即使可退修科目，意味同學或需延學（Defer）以補讀所需學分，「我哋唔會專登讀多一年去同你咁樣嘥時間」。她明白校方需向教職員支薪，但認為同學已未能使用校內服務，如圖書館等設施，「我而家除咗個lecturer（教師）同個e-platform（電子平台）之外就乜都無」。S和Kay均認為，自資院校學費昂貴，應減至少一半學費。

網課「貨不對辦」 要求減一半學費

自資院校聯盟前主席、理大專業及持續教育學院院長阮博文指，學校對網上授課的質素有嚴格規定，用以評估面授課堂的學習效果（Learning Outcomes）與網課無異，「你face-to-face（面授課堂）所做嘅嘢，而家online（網上授課）應該全部要做得返」。阮認為網上授課的出席率及互動有所改善，假如同學不接受，校方可讓他們退修（Drop）科目，「我哋一個仙都唔收」，之後需補讀該學分。

自資高等教育聯盟主席鍾志杰指，各自資院校收到少量投訴，包括網上學習困難、技術問題及要求調整學費。惟網上授課是現時唯一穩妥的方法，如同學堅持面授上課，可申請暫時休學。被問到不同院校網上授課的質素及時數有否統一標準，鍾指各院校均有質素保證及投訴機制。

公開大學至截稿前未有回覆。

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
【撐學生】
召集有心人 撐學生全年睇《蘋果》
立即按此