皇馬呢排立立亂，C朗嗌走，巴塞隆拿要重奪西甲冠軍都真係好機會；由於新一季由華維迪接手，所以都要提早啲準備，巴塞就宣佈7月12號已經開操，10日後就會飛到美國，備戰對祖雲達斯、曼聯同皇馬嘅國際冠軍盃比賽。

由於今年係單數年，洲際國家盃又冇西班牙、巴西同阿根廷份，所以巴塞開操嘅陣容會好完整，「MSN」三叉戟包括美斯、尼馬、蘇亞雷斯都可以歸隊，只有代表西班牙出戰U21歐國盃嘅丹尼斯蘇亞雷斯，以及代表德國同葡萄牙出戰洲際盃嘅門將達史特根及中場安祖高美斯，會較遲歸隊。