主要選出年度有傑出表現音樂人嘅《韓國大眾音樂獎》今日公開得獎名單，當中最佳團體當然由去年勁出新歌嘅男團BIGBANG奪得，而最佳男、女歌手就分別係JYP老闆朴震榮及IU。

《韓國大眾音樂獎》係由2014年12月1日至2015年11月30日發表嘅音樂作品中，由大會選出入圍名單，再由網友投票選出心水歌手，更由音樂教授、大眾音樂評論家、媒體音樂專欄記者、音樂節目PD以及市民團體等69人組成嘅評選委員會，對是次投票進行監督，可以話係幾嚴謹，最終結果係最佳團體由BIGBANG以5,321票奪得第一名，最佳男、女歌手就分別係朴震榮（1,425）及IU（3,654），而頒獎典禮將於下星期一（29日）韓國時間晚上7時於首爾九老區藝術劇場舉行。