「突然有把聲音喺我耳邊
陳冠希最近你死喺邊
嗰次嗰個事件
令你冇晒面冇晒錢
睇啲報紙你個樣唔多見
人哋話你成日係度發癲
咁樣落去
好似好似唔係好掂
到底你係邊個
你啲資料係咪錯」

陳冠希xMC仁x廚房仔日前出咗第二隻碟《三角度(二)》，好似無聲無息咁，但其實隻碟落足心機，而且碟中歌詞，亦令人細味，自嘲冷嘲調侃，世事都給陳冠希佢哋看透了，好似上述呢首《神》——你可以當係Edison個神……一句「嗰次嗰個事件令你冇晒面冇晒錢」，已然令人聯想到閃卡事件，睇埋歌詞，回心微笑。

明明是加拿大籍，卻說'IAMACHINAMANANDIAMPROUD!!'，被網民冷嘲，陳冠希還說:「我以身為中國人為傲…2015年大家不要再當個思想狹隘的人！別受自己感覺困擾，然後賺多啲錢！」呢單嘢，原來喺新歌《東方快車》都有講:「97前英國殖民97後中華人民喺邊度出身究竟有乜嘢身份2015三角度降落洛杉磯東方列車降落日落大道歡迎你」

「一個中國人作為黃種人台灣中國香港點解係都要分點解唔一齊havefun一齊rollblunt　點解唔團結同一個精神無論你覺得自己有幾掂外國朋友問最正嘅翻版碟喺邊唉我哋撇唔甩我哋黃人嘅身份我係香港人唔用粗口講嘢我哋覺得冇乜癮」

「我係中國人上海廣州北京啲銀紙係咁印代表我哋黃種嘅男人感謝台灣台妺簡直係極品我係中國人就算出世揸住加拿大嘅身份」，究竟係咪曲到圓0架？

關於阿神——Edison講自己，還有這首《天外有天》，你以為佢自嘲？其實係笑世人太膚淺：「太空艙嘅玻璃反映反省自己邊個先係真正自己　到底邊個先係真正冠希唉　我啲病癥又嚟　抑鬱癲癇精神分裂輕佻驕傲冇大冇細犯罪傾向已經接近緊張自殺傾向　過度活躍症　我要鎮靜深呼吸一口外星嘅氣味　成班兄弟準備登機粉紅色　底褲跌晒落地條女問你做緊咩嘢　地點喺邊　做咩唔覆佢(下略)」好有畫面咁喎。

不過硬係唔知點解，一講到陳生喺機艙，雖然歌詞中寫嘅係太空艙，但總難免令人聯想到佢同栢芝喺機艙合照事件…