周秀娜 (Chrissie) 向觀眾展現有演技的一面，至於令她火速上位的性感一面呢？她以「態度」為它重新定義，認為專注演好角色就是自己最性感時刻，這次穿上絲襪、高踭鞋，遊走意大利古城維羅納街頭，發現她性感永遠在骨子裡。

性感，令周秀娜火速上位，亦一度局限她的發展空間，在《29+1》演活三字頭典型香港女生，用演技衝破框架的她，對性感有新體會，「係一種自己嘅態度，有時未必關於外形上，但性感對我嚟講係正嘅！我哋好多時都係靠視覺，關乎於造型係可以去營造，譬如用絲襪、高踭鞋，甚至乎紅色唇膏。」自己專注做一件事的時候，就是最性感時刻，「我好鍾意去拍戲，好鍾意喺片場，好想拍好一場，點樣去詮釋佢，好專注、好鍾意一件事物，好enjoy嗰個moment就係最性感。」

首次到訪維羅納，Chrissie很融入這地方的生活方式，「晨早流流，早餐開始飲下酒，跟住食雪糕。」當然亦啟動遊客模式，盡力跑景點，去勻競技場、茱麗葉露台，欣賞屬世界文化遺產的古建築。

購物也是必要的，Chrissie去總部設於當地的Calzedonia揀揀絲襪，問會否接受追求者送贈？她說：「會接受男友，真係另一半送絲襪，覺得係貼身得來，又好鬼細心嘅一樣嘢，可以增加兩個人之間嘅情趣，即係佢識得欣賞你。」