《決戰一分鐘》之前紅咗個19歲校花梁嘉琬（Whitney），恒管商務翻譯系一年級生，有「恒管薛凱琪」之稱，係兼職model，曾參加《FACE》UStar校花校草選舉。有指佢一直好想入娛圈，遂被質疑係無綫搵番嚟谷收視嘅媒。無綫當然否認，但巧合地，同樣今年參加USTAR校花選舉嘅理大代表蔡嘉欣，又去參加喎。咁啱嘅？

噚晚一集嘅《一分鐘》，又有靚女登場玩遊戲，冇Whitney咁索，但見佢著住緊身衫跳起dundun吓頂茶包，個樣又ok，自然望多幾眼。佢個名叫做冼思瑩(BiancaSin)，原來佢又係咁啱夾著咁橋，同Whitney及蔡嘉欣一樣，參加過今年UStar校花校草選舉。蔡嘉欣係2號，Whitney係7號，Bianca係8號。Bianca當時有個朵，叫做城大體操小花。

至於成名之路，亦同Whitney好相似，Whitney靠玩跑步遊戲巨咪震震撼螢光幕同施脷功舔曲奇上位，Bianca就係緊身衫谷咪咪跳跳下，話咁快成為網民追蹤對象。

拿，如果TVB真係真係冇去模特兒公司揀蟀做媒參賽、而Whitney同Bianca、蔡嘉欣又真係真係咁都可以喺同一個節目同一招出到位。可以考慮買六合彩。