「菲律賓民答那峨棉蘭老島皇室酋長蘇丹公主殿下」、42歲嘅前有線成人節目主持陳昭昭，今日同拍拖兩年半嘅男友李志豪(Franky)結婚，今晚佢哋會何文田一間會所擺酒，唔少圈中好友到賀。

昭昭嘅一班好友，好似有仙樂都、林雅詩、梁敏儀同梁焯滿等八人擔任姊妹團，今朝一早做接新娘嘅儀式，昭昭接受《蘋果》訪問話：「今朝一班姊妹團安排咗一系列嘅遊戲考驗吓新郎哥，其中一個係做掌上壓，新郎哥做咗幾十吓就喘晒氣，開門利是方面，就用咗38888成功令姊姊團開開。」

跟住昭昭、老公仲有一眾親友，去咗教堂行禮，之後再去會所為婚宴做準備。

更多娛聞，喺晒《娛果》
http://fb.com/appledailyent