【蝕到噴血】趙苑慘蝕650萬 當年中國小姐比堅尼陪食飯
趙世曾趙苑
【新增影片】
卓能集團(131)主席趙世曾於2010年底折售的薄扶林趙苑2期,二手再出現巨蝕個案。土地註冊處資料顯示,趙苑2期3座低層B室,實用面積2,116方呎,剛以2,900萬元易手,呎價13,705元。原業主2011年1月以3,377.69萬元買入單位,持貨6年賬面蝕477.69萬元,若計及佣金及釐印費等開支,總損手金額料達650萬元。
趙苑當年賣樓,適逢第一屆中國小姐大賽於北京或澳門舉行,19位參賽佳麗在主評判趙世曾投資的近海樓盤做宣傳,她們穿着比堅尼陪食飯,又要吹住13度冷風,在戶外着泳裝擔任平頂儀式嘉賓,可憐佳麗凍到起晒雞皮。
趙世曾當年直認搵佳麗着泳裝是他自度的宣傳噱頭,他說:「其實個趙苑project搞咗20幾年,本來諗住係一個大花園,依家由幾千萬投資,變咗幾十億生意。個平頂儀式我都諗咗好耐,想搞啲噱頭,本來想請明星,但中國小姐係第一屆,咁我多少都有啲影響力,咪幫佢哋打開吓知名度囉!」
趙世曾謂自己第一次見候選佳麗,心水是:「身材高少少,勻稱啲,有智慧,有學問。」趙世曾一向鍾情北方佳麗,今趟一次過和19位性感佳麗同枱食飯,問他午餐時感覺如何?他即笑住口點頭:「我好enjoy!好食!我評分都係,最緊要enjoy,開心就得。」一向是花花公子的趙世曾更坦言叫女友們避席,他再次笑笑口自豪地說:「我啲女友全部避開晒,佢哋無得嬲,做我女友個個都要大方。」
趙苑找中國小姐噴血泳裝谷銷情,買入樓盤的買家同樣「噴血」收場。屋苑2期於2015年錄得的首宗成交亦是大額蝕讓,一個2座地下B室單位,實用面積2,350方呎,2015年2月以3,700萬元售出,賣家2011年1月以4,600萬元買入單位,連使費料蝕逾1,100萬元。
掌握財經生活資訊,即Like「蘋果ATM」fb專頁啦!
http://fb.com/appledailyatm