現年32歲的周永恒（Roy）負面新聞多籮籮，04年曾犯藏毒被判18個月感化令，6年前跟趙頌茹奉子成婚，先後誕下兩女信希和愛希，惟前年被爆跟港視前小花劉依靜搞婚外情、打走老婆趙頌茹（阿Yu）。仍未搞妥離婚手續的他，又搭上34D爆乳𡃁模黃芊詠（Cherie）。但前日Cherie忽然自爆跟Roy已分手，原因是發現他偷嗒強國女。
今年初，Roy和Cherie兩人經常在網上高調晒愛，有報道指兩人曾到酒店爆房，Cherie更於「17」社交app疑似玩床上直播。至5月尾，有傳他向女友動口又動手爆分訊，兩人的WhatsApp互罵截圖被公開，不過，之後兩人一同出席Roy有份做老闆的娛樂公司成立記者會，更蹺手亮相晒恩愛，齊齊否認分手傳聞，搞了場大龍鳳。

「溝通唔到」

到了前日，Cherie忽然主動聯絡《蘋果》爆料，指自己已經跟Roy分手，她說：「我同Roy真正分手原因，係因為佢搭上咗個大陸妹，我同佢嘈，佢就一味話同我溝通唔到，叫我畀啲時間佢，開頭我都仲好天真，覺得係自己問題，後來先知原來佢一早搭上咗個大陸妹。」
Cherie表示跟Roy已分手個幾月，重複說：「咪就係有一個女仔，比我更加識得同佢溝通囉，過程咪就係佢同咗嗰個女仔一齊囉，無論我點做都冇用，唔想講太多，我驚佢！」
採訪：皓騫