由歌手變咗做Chef Nic嘅謝霆鋒，煮勻中國唔少地方之後，終於回流返香港，佢個新歌今日佢去咗尖沙嘴活動，事關同餐廳合作，設計咗一系列美食，今次Chef Nic轉口風話要sell港味，佢話：「今次食咗好多包，肯定係人生裡面食得最多嘅一次。呢次真係好香港嘅一件事。試咗好多個月，希望推到極限，有試過諗住擺干炒牛河入去，因為都好香港，有機會多啲突破。」

唔知有冇諗住俾2個仔試吓？.佢就話：「呢啲遲啲先講，不過成件事都好機密，冇搵過受朋友試食，全程喺中央廚房試做。」之前為咗呢件事，Chef Nic有咗去旺區玩快閃，聽講反應都好熱烈，唔知講咗好耐嘅演唱會，又籌備成點呢？佢話：「o依家搶緊期，好瘋狂，香港只得演唱會，爭緊年底至2020年頭，真好多人開，我都有同製作傾，今次唔係為咗有集體回憶去做，而想有個重新經歷。」唔知佢又有冇諗過好似老友陳奕迅喺中環開騷，霆鋒就話：「想呀，不過同事話如果開騷落雨就好煩。」

至於大陸「限酬令」，唔知霆鋒又有冇受影響？佢話：「我邊度高呀？係囉，我邊度高呀？」仲話：「政府有啲乜嘢，咁我哋梗係跟住做0架啦。」至於有傳阿菲收一億酬金，在新制下要拎番九千萬出嚟，霆鋒就話：「唉，唔好亂講，唔好亂講。」

精選娛聞，喺晒《娛果》
http://fb.com/appledailyent