陳慧琳(Kelly)和盛智文前晚在蘭桂坊California Tower主持揭幕儀式,Kelly大仔蝦餃仔讀國際學校不用面對TSA,但她仍然支持取消TSA制度,Kelly說:「好慘呀,梗係支持廢除,一定要廢除,成日為咗考試測驗,咁細個要畀佢哋去玩啦,成日要溫習冇得玩,已經好慘,成日都要玩樂器、運動、畫畫,邊讀到咁多書,𠵱家全日制,返到嚟又冇時間去玩就死得啦,好苦悶,冇晒創作空間,知識可以一路做一路學,創作空間唔係書本可以搵到,成日對住啲書都幫唔到佢。」
另外,司儀楊洛婷在馬爾代夫仍有旅遊警示的時候跟老公Tim去旅行,她說:「去時剛取消,父母都有call我哋,話『你哋唔好為咗生仔咁啦。』」
採訪:卓寶花
攝影:陳慧安