資深驗樓師詹濟南「詹Sir」旗下香港專業驗樓學會每年都會舉辦年度頒獎禮總結過去一年新樓檢驗的情況，今年因為疫情影響延遲至今天才舉行。2019年該會驗收了超過50個新盤的單位，當中有十大驗樓奇聞，其中新居發現地下泉。情況是，詹Sir在一個新樓單位廁所洗手盆放水，竟然在地面的去水口有水湧出，主要由於去水喉淤塞，令去水口倒灌。在場有人睇到片就說是長實（1113）荃灣海之戀，被問是否真是該樓盤？詹Sir回應：「唔係唔想記得，係真係唔記得，一年驗咁多單位。」

其他驗樓奇聞還包括：淋浴間門隙可偷窺；櫥櫃板鬆到跌落；頂心口的鏡櫃；窗台石揭得起；拎得起放得低的欄河面；天花燈揈來揈去；可以練功的鞦韆窗；浴屏門玻璃門鬆到飛甩；奇怪的門鎖間格。

詹Sir表示，2019年新樓普遍有兩大瑕疵，是為兩大低分王，包括玻璃幕牆及瓷磚，這兩項分數平均分數低過2018年。他透過發展商及判頭反映得知，去年發生社會運動，有部份用具未能如期運到香港，例如驗樓伸縮棍，而此棍一般用於驗瓷磚空心情況。

另外，該會今年進行新盤調查，訪問369名新盤買家，年齡主要由26至45歲，當中33%超過9萬元收入。結果43%仍選香港置業、48%選新盤，而揀新樓主要考慮實用面積、間隔、空間運用等等。較大部份受訪者要求3房單位，實用面積約700方呎。

此外，2019年最佳質素屋苑是恒地（012）西半山帝滙豪庭。另外有五大優秀屋苑包括新地（016）西半山巴丙頓山、北角海璇、信和（083）粉嶺囍逸、粉嶺高爾夫·御苑、九建（034）油塘海傲灣。

-----------------------------

【全球樓行】 Dream House零距離

屬於香港人的移民攻略

-----------------------------

上車必讀天書 「九成按」入市懶人包

點擊即睇《按揭必讀手冊》電子書

----------------------------

支持蘋果深度報道，深入社區，踢爆權貴，即Like蘋果專題及調查組FB專頁！