日本長腿女星菜菜緒唔止深受電視台同埋廣告商歡迎，佢喺Instagram嘅粉絲逾百萬，近日菜菜緒又再出招，自拍短片晒性感身段，佢穿着H&M比堅尼趷籮自拍，不過就被網民嫌佢上圍唔夠睇頭。

原來菜菜緒今次泳裝上陣唔係同陽光玩遊戲，噚晚就一口氣上載三張潛水照，更同世界上體型最大嘅魚類鯨鯊嬉水，菜菜緒既舉V又擺甫士，有人留言話畫面充滿美感，形容菜菜緒十足成條美人魚，結果總共呃到十幾萬個Like。