森美噚晚同一眾《法網狙擊》演員一齊睇大結局，佢同陳敏之都表示唔擔心《法》劇風頭被《老表‧你好嘢！》搶走，森美笑說﹕「贏亞視咪得囉，乜唔係嘅咩？！」

森美又力撐飾演保長嘅許紹雄踩單車追Benz劇情合理唔浮誇，佢話﹕「可能期間坐過小巴或的士返屋企呢？」吓？咁都得？咁部手機離到九丈遠都收音清晰又點解釋？

森美透露劇集出街之後，多咗三個廣告，另外仲有一個電器用品代言洽談中﹕「我搶走好多無綫小生飯碗呀！」吓？