韓國MBC電視台工會因為不滿內部有黑名單，員工因政治立場不同而被劃分等級，待遇更會有所不同，因此工會決定於後日開始大規模罷工，至於《無限挑戰》、《我獨自生活》等人氣綜藝節目亦因罷工而於下周起無限期停播。

早前有指MBC將如期製作中秋特備節目《偶像運動會》，MBC方面表示會聘請外判公司以及冇參加今次罷工嘅工作人員參與錄製，確保《偶像運動會》會如期播出，而節目亦原定於本月4號及11號兩日錄製。

不過今日再有報道指，《偶像運動會》同樣受到罷工影響，節目錄製將會延期。據《OSEN》報道指，原定於4號舉行《偶像運動會》保齡球大賽嘅錄製，因MBC工會罷工將暫延至18號進行錄製，至於11號進行錄製與否仍然討論中，不過報道又續指：「但因藝人行程嘅問題，唔排除18號都無法錄製。」即《偶像運動會》有可能無法如期於中秋節播出。

對於《偶像運動會》錄製延期一事，MBC方面指：「原定4號嘅錄製確實延期，但尚未確定係咪延至18號拍攝，目前正與藝人嘅行程協商，對於節目會否取消播出仍有保留。」