1月至今14次沙田賽事，均有新造全場最快末段時間的馬勝出。

今戰（31日）田戰的同類分子有兩匹出自方嘉柏馬房，分別為「領闖者」及「精彩飛動」。

牠們均改配見習生減磅。其中，「精彩飛動」上仗轉倉即勝，今戰換上新登場獲減十磅之陳嘉熙，後追馬轉跑田草更有利追趕，不容輕視。

第五場四班草地1800米，「精彩飛動」上仗由蘇偉賢轉投方嘉柏初出，角逐谷草一哩，抽9檔唔算好。

當時加上中段步速轉慢，此駒被迫移出外疊繞過馬群發力，蝕位下仍交出23秒以內全場最快末段締速衝贏，從而打開在港勝門，反映這匹五歲愛爾蘭馬轉倉後已納入正軌。

翻查紀錄，原來今季已有「真跑得」及「電子大師」轉方廐即勝，再出亦入Q，反映馬房部署此類來投馬往往得勢不饒人。

加上今季方廐暫有四匹新造全場最快末段時間之馬，列陣田草賽事，取得冠亞季各一佳績，所以靠追的「精彩飛動」今回轉跑田草都唔可以睇小，隨時成為陳嘉熙在港首匹頭馬。

-----------------------------
免費訂閱《蘋果動新聞》， 無懼霸權橫行！立即登記！
https://hk.adai.ly/bXz2v29BrV
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV