朋友與男朋友吵架，竟然是為了薛凱琪。「佢都三十幾歲人啦，重學人迷偶像，重要鍾意埋啲𡃁妹……你知唔知佢幾黐線，電腦wallpaper用佢幅相，同一本寫真集買兩本，話一本攞嚟睇，一本愛嚟珍藏。佢𠵱家日日喺度唱『886』、『886』，我真係想一腳伸死佢！」朋友抱怨。
我笑個不停，問：「佢之前唔係鍾意Twins嘅咩？又唔見你咁激動？」
朋友一雙眼睛睜得圓鼓鼓，「喂，起碼Twins望落去正派啲！呢個薛凱琪，成隻小野貓咁……」

記得在數月前看電視娛樂新聞，節目做了一個小小的街訪，調查大眾對新人薛凱琪的觀感，被訪的一位婦人同樣發表了類似的見解：「唔鍾意……好似好叻迷惑男人咁。」
即使Fiona真的像個「天真有邪」的女孩，有意無意在傳送挑逗的眼波，嬌嗲的聲音，但是硬把一個存在於聲色光影中的藝人，與身旁的男人扯上曖昧關係，想像力也太豐富了吧。
「佢鍾意呢類女仔，代表佢都想喺現實生活中靜靜雞搵番一個。」朋友說。啊，原來在投訴男朋友喜歡「誘惑型」的女孩。
「咁如果佢鍾意林志玲或者朱茵，你會唔會嬲？」我問。「唔會喎！佢咁嘅樣，林志玲同朱茵睬佢都有味。」朋友不屑地說。聽懂了嗎？假如你的另一半條件普通，「天真有邪」的女孩比起「風情萬種」的女人原來更具威脅性。因為前者看來易受哄騙，後者，有理由相信他有心無力。