喺香港住咗七年嘅法國人Pooja,本身因為自己係banker關係,所以生活同大部份香港人一樣,都係非常忙碌,當時佢根本意識唔到香港嘅鄰里關係係咁冷冰冰。直到四年前Pooja懷孕,想搵個鄰居推介下附近嘅playgroup,佢先發現自己根本唔識任何鄰居:「I became a mother,i want to share with the parents,such as where to get the best playgroup,but there is no way connect to those neighbor。 We are in the huge building of 2000 peoples,but it was impossible have conversation with their neighbor,so this really shock me。」就係因為咁Pooja開設咗LocalHood呢個組織,希望拉近鄰里關係,最初為咗邀請多啲人加入,佢試過喺街派宣單、做問卷,佢發現其實大部份香港人都係外冷內熱,只係因為怕羞而唔敢主動認識陌生人:「it is difficult break the ice which the local usually had,but once you get to know them,they’re very very warm people,they just shy。」 就係Pooja喺街上派傳單嗰陣,佢認識咗香港人Bella,而Bella亦因為認同Pooja理念而加入。Bella話依家LocalHood幫唔同社區都喺社交平台度開咗個group,方便啲街坊同鄰里聯絡:「LocalHood喺FB有唔同嘅group,好似堅尼地城、上環、西營盤等都有唔同嘅group。大部份人會喺上面問啲關於生活日常嘅事,好似邊度有洗衣店,問寵物問題等,我都試過問有冇人想一齊去行山,形成咗一個discussion,咁都開心嘅。」