黎明（Leon）的紀念入行30周年4D演唱會，首日因為中國製帳篷未達防火標準而被迫取消，昨晚本應休息的他，為首日看不到的歌迷找數，繼續現身中環海濱開騷。昨晚演唱會於8時23分開場，撐場嘉賓依然星光熠熠，包括有周慧敏、吳君如、陳可辛、張達明、蔡一智夫婦、林日曦和「Hea爆港姐」張舒雅、盧巧音與老公Sammy等。本身看頭場演唱會的蔡一智，坦言昨晚睇騷有失而復得的感覺。「一定會留番張飛，仲要畀Leon簽名，因為真係好難得。」蔡一智直言欣賞Leon每次演唱會的製作，他說：「如果草蜢將來開演唱會，都會考慮喺呢度開，因為夠新鮮。Leon係先鋒，可以喺佢身上學好多嘢！」

此外，昨日有人在核心外圍兜售8本黎明做封面的《金電視》周刊，標價150港元。而VIP席排頭位的何小姐，坦言對昨晚取消摩天輪環節有少許失望，但自己依然支持偶像。至於另一位來自深圳的張小姐，頭場未能看騷便返回內地，如今終於如願以償，她表示自己已支持黎明28年。
採訪：王連連、張俊銘
攝影：馬建華、沈健程