謝雪心與敖嘉年今日到觀塘為佛教藝術珍寶館及紀念館擔任開幕嘉賓，同是佛教徒的二人，大讚館方提供免費禪修班有助推廣佛教。心姐透露曾參與八關齋戒，每日禁食禁語，聽大師講道：「嗰時個女都擔心我唔食嘢胃痛，整好晒啲碎餅乾畀我，但係人意志好犀利，除咗第一日我有食，之後7日都可以唔食嘢，而家你叫我再做都未必得。」

談到她與敖嘉年2009年於電影劇合作做母子，敖嘉年說：「我好想再同心姐合作，而家同TVB都係部頭約，咁我同公司關係都好好嘅。」他表示最近忙於為舞台劇綵排，10月將到日本拍電影：「啱啱有個節目出街（ViuTV《中佬唔易做》），因為我揸電單車送外賣，個個睇咗條預告都問我炒車有冇事，其實唔係我炒，係有個同行炒咗車，我去扶佢啫。」

問他可有看《降魔的2.0》？敖嘉年笑指有朋友看畢感驚慌：「佢哋話睇到瞓唔着，因為有鬼，我咪話『幾多歲呀你？驚？』。」心姐聞言即笑問：「係咪女朋友呀？」敖嘉年即笑謂要對方介紹女仔。另外，問到心姐可會再開拍《降魔的3.0》，她說：「三點式？嚇死我，以為你話三點式，不過個劇本真係寫得好好，我拍最尾嗰場都投入到想窒息咁。」

採訪：盧妹
攝影：陳俊強

-----------------------------

打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新