本地接班人潘明輝於今季升格大師傅後有兩個願望，一是買樓、二是買車，買樓願望已經達成，剩番買車未OK，不過買車前都要考到車牌先得。

所以今朝（31日）收操後，潘明輝就趕住去考車牌，究竟得唔得就要下回分解。

不過若然成功考到，就要買車，買架一手新車現時平平地都要十幾廿萬，所以小潘都要落力啲贏馬。

講開佢嘅贏馬，明日（1月1日）第二場五班1600米「明月昇輝」可以留意，始終呢匹馬評分降至新低，今次與上場相隔兩個月才再跑，擺明何良做好工夫才搏，唔好睇小。