武漢肺炎疫情席捲全球，加上去年社會運動的影響，令本地演藝界接近停擺。不少歌手藝人都咬緊牙關望捱過這段無工開的日子，包括歌手龍小菌在內，在這段「好得閒」的日子中，除密密健身和寫歌外，原來最近更出資投資餐廳，日前小菌就在尖沙嘴的新店內接受《蘋果》訪問，談談何以有逆市開店的計劃。

小菌有份投資的台式餐廳位於尖沙嘴太陽廣場，剛開業未夠1個月，在現時香港的整體環境下決定投資，勇氣看來是必備條件，她笑說︰「一睇就知係好勇啦，但我覺得無論咩情況都好，人總係要食飯，做呢個地方出嚟就係想有一個溫馨嘅環境畀大家好好地放鬆，食嘢傾偈。唔單止我，相信好多人都鍾意台灣，亦鍾意佢哋嘅文化同食物，所以先同拍檔一齊投資少少。」

正所謂不熟不做，龍小菌直言自己對飲食業未算熟悉，現時仍處於邊做邊學的階段︰「接觸咗後先發覺好多嘢要學，淨係沖杯嘢飲都有好多學問，撈個麵都要有技巧，雖然呢個時勢係差，但亦都係畀大家一個好好學習嘅機會。」事實上，本地飲食業在今次武漢肺炎疫情下屬重災區之一，小菌稱餐廳上下都會做足本份，她說︰「除咗衞生清潔外，最重要都係做好食物質素，疫情方面唔係我哋能力範圍控制到，所以只能夠做好自己餐廳每一個細節。」

除投資餐廳外，最近小菌頻頻增值自己，包括所屬的樂隊「帶菌者」，她透露樂隊原定去年推出新專輯及舉行音樂會，但後來因社會運動和疫情影響延期至今，眼見有音樂單位陸續宣傳在年底演出，但小菌直言何時復演仍未知，她說︰「其實成隻碟已經準備好，但而家就擺咗喺度，因為疫情未退都唔夠膽博。其實近呢幾個月唔少人都開拓咗網上演出，我哋都開始積極考慮呢個方向。」

講到自己的動向，小菌透露最近寫了首以現今社會和自身感受為題的新作《今天過後會怎樣》，她說︰「呢首歌係我唱畀自己，亦都唱畀大家聽嘅歌，事實上呢個問題我都不斷問自己，大家都好擔心聽日會點，所以我決定用文字記錄晒呢個社會同我係點。」歌曲雖已錄好但仍未面世，她笑言︰「好似未係適合嘅時候，但係又好似任何時候都適合。」

採訪︰曹家誠
攝影︰沈健程、廖達燊
場地提供︰奔之食堂

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新