王灝兒(JW)同BabyJohn噚晚喺金鐘出席電影節活動，JW透露最近忙於錄廣東歌，佢話：「我6月18號生日，希望新歌趕到喺生日月推出。」問到點慶祝28歲生日？佢話：「約咗一班朋友食飯慶祝。」點解唔約男友葉韋彤？佢話：「佢都會一齊食，況且平時同佢已經成日見，生日同朋友過仲熱鬧。」

至於BabyJohn話最近連續拍緊兩部電影同客串網劇《性感中環》，而夥拍吳鎮宇嘅新片《暗黑者》，BabyJohn稱學到好多嘢：「部戲拍得好辛苦，因為有好多情感豐富鏡頭，要保持好好狀態。」同時，佢又透露拍攝期間學識「忍字訣」，佢解釋：「因為套戲不斷轉外景，唔係周圍都有廁所，偏偏我為食又直腸直肚，唔好意思要劇組等我，所以練成百忍成金。」

精選娛聞，喺晒《娛果》 http://fb.com/appledailyent