當年今日
關於我們

期待公仔箱之光速跑法

蘋果日報 2006/05/27 00:00


相信好多朋友都有睇過《日式麵包王》,但係唔知大家有冇聽過《光速蒙面俠21》呢?同樣利用勵志、搞笑漫畫為題材,絕對係近年搞笑運動漫畫嘅表表者。雖然筆者最愛的依然是《我要高飛》,但可惜當年TVB播到一半就完咗(哭)……先說回《光速蒙面俠21》,故事講述小早川瀨係一個身材細小又怕事的普通中學生,從小就因為逃避被壞人欺負,因而練成一套光速步法,冇人可以捉得到佢;進入高中之後,瀨立心改變自己,經過一輪爆笑場面後他加入咗美式足球部擔任經理。喺機緣之下瀨的光速跑法吸引咗美式足球部主將蛭魔妖一,最後更逼瀨以球員身份加入美式足球部,從此令到瀨成為最快跑手!故事當然公式化,不過當中的勵志訊息非常正面,起碼唔會教到小朋友拎刀斬媽媽,好希望動畫版可以快啲於電視台推出,當然唔好再放喺星期六或日朝早播放,咁只會又浪費一套大好動漫作品呢!
empty