當年今日
關於我們

【全城禁聚】薛家燕受疫情影響取消70大壽宴 生日願望減產

蘋果日報 2020/03/30 13:18

薛家燕70大壽

薛家燕在8歲被賞識參演電影《七兒八女九狀詞》,自此展開燦爛星途,她更與蕭芳芳和陳寶珠等結拜做「七公主」,家燕姐雖經歷過一段失敗婚姻,人生高山低谷,但堅強的她撐起整頭家,母兼父職湊大三名子女,今日是她70大壽,原訂昨日筵開數十席大宴親友,不過疫情嚴峻,加上政府立例禁4人以上聚會,生日派對被迫取消。
雖然有點掃興,但「壽星婆」家燕姐明白現在情況,大家必須同心抗疫,她今日接受《蘋果》電話訪問時說:「今日只同家人喺屋企慶祝,原本係3月29號擺四十幾圍,但而家取消咗,疫情咁唔可以聚餐,復出後以往都年年幾十圍,唯有出年再搞過。」問到家燕組的生日願望?她說:「時光過得好快,咁快70歲,我希望身體健康,唔要咁多工作,但而家想做都冇,好多出外演出取消晒,我今年嘅生日願望係希望疫情快過去,香港恢復繁榮,全球都係,今次影響好大,我一生人中覺得呢次係最大疫情,民生同生活都大受影響,咁多學生返唔到學,媽咪又要特別照顧佢哋,大家出唔到街,巿道唔好,真係好難過,希望樣樣順利渡過,團結一心有新轉機,那怕是萬呎風浪也可衝天飛,希望大家都身體健康。」
家燕姐的三名子女及新抱都孝順,二子石耀庭夫婦和妹妹石耀珠今晚陪媽咪過生日,家燕姐說:「細女之前美國返咗嚟,佢都自我家居隔離咗14日,啱啱完結,我晏啲就去接埋細女返屋企。」長女石祐珊仍身在美國,今年未能陪媽咪慶祝生日,她今早即在FB給媽咪送上祝福:「Dear Mom,祝你生日快樂,身體健康,青春常駐,繼續美艷動人,笑口常開!感謝你一直以來對所有人與事都非常認真、慷慨,以及善良,你的一舉一動深深感染以及影響着我們。我們一輩子都不會忘記。你的堅持以及毅力給予我們無比的力量,讓我們變得更堅強。藉着這個特別日子,讓我們致上最衷心的祝福!Captain Nancy,請繼續為我們帶來無限歡樂!愛你無限70年!We love you!」
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
empty
(FB圖片/資料圖片)
empty
每年子女都會給家燕姐驚喜賀壽。(資料圖片)
empty
家燕姐最大成就是子女都孝順。(FB圖片/資料圖片)