台灣歌手畢書盡今日喺銅鑼灣為下月嘅九展演唱會宣傳，首次來港宣傳嘅佢，除咗用廣東話打招呼，仲話：「你嚟睇我演唱會，我唱歌俾你聽。」

佢又透露自己之前太瘦，只係得51公斤，不過為咗演唱會已經努力增肥至58公斤。前晚佢仲去食雞煲，大讚好好味，不過笑言擔心身邊嘅工作人員陪佢食得太多會肥。

好友羅仲謙仲拍片支持，畢書盡以普通話接受訪問說：「早前跟他在馬來西亞拍節目，他是個很照顧人的大哥哥。祝福他結婚後，趕快生貴子。」佢話原本今次來香港都想同羅仲謙見面，但係知道對方好似唔係香港，不過都會為佢送上祝福

佢仲話會努力練廣東歌，平日都有聽陳奕迅、Beyond同Mr.嘅歌，希望可以揀首香港歌迷有共鳴嘅歌演出。畢書盡仲透露演唱會有好友陳彥允同李玉璽做嘉賓，希望俾機會大家認識佢哋。