他說那些中間人如此緊張,全因事件已成國際事件,「有中間人話中央最高層好重視,唔想呢件事再擴大,成為外交問題,畀外國政府借呢件事攻擊北京」,所以有親北京人士不斷叫人不要猜測事件、又說李違反內地法律、甚至有傳媒報道稱李波向家人報平安消息,「其實所有嘢都係降溫、補鑊,希望搵個藉口交代,因為唔盡快平息,好多人要孭鑊」。
但無論北京如何努力降溫,始終無法迴避核心問題,就是有內地「強力部門」越境捉人,違反一國兩制,有泛民稱問過內地中間人,「唔理係內地邊個部門做,係你哋《環球時報》認越境捉人,咁唔係違反一國兩制、《基本法》,仲係乜?佢哋啞口無言」。他預期北京短期內不會放李波,「除非諗到一個北京唔使上身、外國又接受嘅下台階,否則放咗人會驚件事唔知點發展」。