【觀眾眼睛係雪亮嘅】張栢芝新劇劇情被批造作 《如果,愛》收視創新低
豪門穿越張栢芝吳建豪如果愛媳婦逆襲
張栢芝主演兼做埋製片人嘅新劇《如果,愛》,喺上月27日首播,雖然只係播咗1/3左右,但已經被批劇情「太造作」同老套,搞到收視一直跌,首播時錄得0.757%嘅收視率,之後一直跌跌跌,上個禮拜五(6月1日)跌得最慘,僅有0.368%嘅收視,已經跌到湖南衛視最低收視紀錄。
前晚播出嘅收視係0.418%,微升咗少少,到噚晚都係得0.592%收視,冇乜大起色。其實收視跌到咁勁,真係幾大件事,全劇共有47集,如果再唔升,真係擔心湖南衛視會腰斬。
以前都試過有劇集因收視唔得俾湖南台腰斬過,而且版權費尾期分分鐘收唔番,所以套劇開播收視唔好嘅話,會產生好多影響。栢芝可能郁冇諗到套劇出劇後網民反應咁差,以後佢再拍劇,應該好好揀吓劇本。
講番套劇少少資料,係一部豪門恩怨家庭倫理悲慘下堂妻逆襲劇,劇情包含咗前任、現任、車禍、癌症、出軌、喪子等……,睇到呢啲劇情搞到連大陸網民都忍唔住話:「以為自己穿越了,在看20年前的TVB」,另有人話「這種豪門受氣媳婦逆襲戲碼的紅利前幾年已經被消耗完了,張栢芝投資製作電視劇,能不能選個靠諎點的劇本、選點貼合的演員」,而除咗栢芝之外,其他演員都唔算有名,最出名都係演佢老公嗰個,就係劇中較多香港觀眾認識嘅吳建豪。
精選娛聞,喺晒《娛果》
http://fb.com/appledailyent
劇情…根據網民嘅意見,總括嚟講,老套。(《如果,愛》劇照)
有唔少人認為栢芝呢個年代仲拍呢種題材嘅劇,不合時宜。
有唔少網民喺網民批評《如果,愛》劇情(互聯網圖片)