韓國女團Girl'sDay成員惠利最近憑劇集《請回答1988》人氣急升,廣告商個個爭住搵佢做代言人,而最新消息就係曾於首集中客串飾演2015年版德善(惠利角色)同德善丈夫嘅李美妍及金柱赫,將於最後三集中再次登場。
《請回答1988》將於下月16日播出大結局,咪以為之後有排冇得見惠利,因為惠利好掛住香港粉絲,佢宣佈緊接於下月23日孖Girl’sDay隊友來港,同港迷癲番晚!屆時四名成員會參加於啟德郵輪碼頭內舉行嘅港、韓大型音樂會《ListenToYourEyesMusicParty》,除咗佢哋之外,香港搖滾樂隊DearJane、廿四味同SupperMoment亦有份演出,相信會為香港帶來一個視覺同聽覺全新體驗。