黃思迦今日喺商台宣傳新歌《Soulmate》，佢指呢首歌係火火填詞，所以去咗火火主持嘅節目《公子會》，大談愛情觀。黃思迦透露15、6歲初戀，對方係同學，但過程中，佢哋太怕醜，所以全程靠訊息溝通，就連手仔都未拖過，難怪佢話火火笑佢係來自清朝的女人。

問佢同初戀男友點解咁內斂？黃思迦話：「第一次吖嘛，太緊張喇，o依家諗起都緊張，亦都覺得好搞笑。」佢話呢段初戀只係維持咗年幾：「我同佢隻手有掂過，但都係被朋友迫。」分手原因係咩？黃思迦表示已經唔記得，不過佢指示愛同分手都係靠訊息傳達。話係咩其實同初戀男友都幾夾吖，佢笑住話：「以前細個唔同吖嘛，係精神戀愛，嚴格上唔算拍拖，但佢係我初戀；相隔一年展開第二段戀情，由於對方做主動，我嘗試去配合。」

精選娛聞，喺晒《娛果》
http://fb.com/appledailyent