女士愛靚，惟當心在快餐店整理頭髮會被制止。中環OL鍾小姐上月中在長江中心大家樂分店，因走進餐廳前被風吹亂頭髮，進店後甫坐下，拿出梳子擬梳理頭髮時，隨即被職員阻止。「我只係輕輕梳一兩下，撥番亂咗嘅頭髮，又唔係全身打掃自己。」惟對方堅持要她入洗手間才可梳理，「我問係唔係梳一兩下都要入洗手間，個經理話基本上係！以前我都試過喺同一地方咁做，冇人阻止，佢哋規矩無準則。」她不滿大家樂待客過份嚴謹。

大家樂解釋當天分店副經理見鍾小姐梳頭動作較大，擔心有頭屑飛揚而影響鄰座顧客，於是勸她到洗手間梳理。數日後收到鍾小姐電郵投訴，職員已表示歉意。該公司強調，雖沒明文規定不能在店內打理頭髮，但員工有責任保障其他顧客的感受，見有顧客做出類似上述情況會作出勸喻，但已教導員工應更耐心、輕聲及有禮地向顧客解釋。檔案編號：0816002社會服務◆匿名投訴恕不處理。一經投訴，本報保留刊登權利◆報料熱線：2929 0000◆社會服務熱線：2990 8288◆蘋果日報慈善基金：2990 8688◆電郵：mailto:[email protected]◆傳真：3711 2468◆網址： http://charity.appledaily.com.hk