港鐵近年嘅新聞層出不窮，由「厚多士」到狂躁阿叔港鐵嗌交，仲有「古墓派」傳人公然「吊」咗張床大覺瞓，令人瞠目。今日fb更廣傳一張女士喺車廂食榴槤，食得津津有味，陣陣「飄香」可以挑起人食慾，亦可以是「中人欲嘔」。

食榴槤唔得，咁飲水呢？原來都唔得!近日港鐵嚴厲執行「港鐵附例」0添，所以網上就瘋傳緊一張相，就係一位乘客喺車廂入面飲水，而被罰款$2,000。

而龍小菌嘅經理人邵子風，都有轉貼呢個po，並寫道：「一人影一張響港鐵飲水自拍。」睇嚟佢相發起一個活動去同港鐵抗議喎，但係佢呢個活動就唔係好多人回應，只係得三個網民回覆。至於邵子風另一個po、即係轉貼港鐵連乘客飲水都要罰款個po就較多回應，有人話:「地鐵附例唔合理應該要update，飲水唔應該都捉。」、「我唔明飲有咩大問題，食飯又唔見去捉，一於集體飲水」。

都有人話:「其實睇清楚嗰張都唔係傳票，只係違反香港鐵路附例警告通知書，書面警告啲友仔又點會識驚，真係『趙』幾件厚多士上法庭重罰，啲人就識驚字點寫，睇下仲有冇人夠膽在地鐵內飲食，仲食榴連食得咁滋味。」

其實「港鐵附例」仲有好多好多，好似：不得將腳放在座位上、乘客不得造成滋擾、經由不恰當途徑進出以及排隊、衣着不恰當甚至影相都係唔得，所以近日港鐵連飲水都會罰款嘅時候，大家就真係要小心啲喇。