今年23歲嘅港姐冠軍雷莊𠒇(Juliette)，早年讀大學時，原來已同大自己14年嘅中佬富商Brandon Lim，發展忘年戀。

有指Brandon係加籍馬來西亞華人，04年喺加拿大溫莎大學畢業，11年同朋友創立公司搞app做貿易。

身為公司行政總監嘅佢，出入亦以法拉利代步，生活富貴，Juliette同佢一拍就拍咗3年拖。

Juliette參選時，就曾經講過自己唔介意成熟男，最緊要溝通到。不過話咁快，Brandon已成Ex，Juliette新登場嘅男友，原來係一位牙醫，之前Juliette接受傳媒訪問時，就話佢同身在加拿大嘅男友以Long D維繫感情，Juliette亦有貼佢同新男友嘅合照，外型嚟講，都算合襯。