曾昏睡11年嘅70年代「廣東歌后」麗莎(黃煥嬋)( 新聞連結： http://bit.ly/2fu3DfS )，噚晚喺灣仔伊館舉行《最愛麗莎全經典演唱會》，請到歌手方麗盈做嘉賓，而呂珊同尹光都有嚟捧場。

多年冇開騷嘅麗莎，佢話要着晚裝同高踭鞋獻唱就好辛苦：「好鍾意跳舞，因為今次快歌唔多，所以只係跳3首歌，唱慢歌嗰時要着晚裝同高踭鞋，行得好辛苦。」問佢有冇性感晚裝？佢話：「我好少性感，鍾意Yeah啲！」問到有冇綵排？麗莎話：「有！因為晚裝有裙尾，所以要一直向前行。導演話一定要排。」咁綵排時有冇咩蝦碌嘢發生？麗莎話：「只係歌詞甩咗少少，不過都好勤力去記。」